Jhuth

Mein ek jhuth hun..
Mera astitwa, meri wazud, meri pehchan...
Sab ek jhuth hai.

Mein jo dekhta hun... woh ek jhuth hai...
Mein jo dikhata hun... woh bhi ek jhuth hai...
Mein jo sunta hun.. ek jhuth..
Mein jo sunata hun.. woh ek aur jhuth..

Yeh sab kuch nahin... bas ek jhuth hai...

Meri khwahisen.. ek jhuth.
Mere khwab bhi ek jhuth..
Mere sath ke anginat sathi ek jhuth..

Aaj jo hai, kal woh nahin hoga.. ek jhuth
Aaj jo nahin hai, kal woh hoga.. ek aur jhuth
Jhuth ki iss zaddozehed ne mujhe ek jeeta-jagta jhuth bana dala
Aur jisse charam seema mana, woh bhi ek jhuth nikla...

Bas ek sach hai..... Ke yeh sab ek jhuth hai........
Bas ek jhuth hai....... Bas ek jhuth hai.....

the canvas of life

i made you the font that will entitle my canvas of life.
you are the element that will ornamentalise the canvas of my life.
you are the colour that will fill the canvas of my life.
you are the light to brighten it up.
you are the depth that will lighten it up.
you are the image to live it up.
you are the canvas of my life.

a painter's imagination.
a model to an artiste.
the nudist..
and the protagonist..

where are you?
where is the bigger picture of life?
the canvas is yours. the life is yours.
all you need to do is .... paint it.. paint it.. paint it..
just the way you wish to.. as you are the canvas of my life..
every stroke of your brush will tell a new story.
provided, the bristles are wide and long..
to sustain the bigger picture..
a whole new story is to be written.
they have to sustain the wrath of the time.

its not just a canvas.
but the bigger picture of life.

life as a canvas and canvas as life..

chitrakar

har chitrakar ka patta-chitra uski parchai hoti hei..
par meri parchai mere patta-chitra ka chitrakar hei..

Kaunsi Gunah hui humse ??

ese sau khoon mauf hotein hein.
esi bhi kaunsi gunah hogayi humse?

tumne sharab ko gunah manaa.
humne sharab ko imaan manaa..
gair-mouzudgi hume gawara nahin..
na tera... na sharab ka....

garh tu na hoti toh sharab ko na taraste..
garh sharab na hoti, to tujhe na taraste..
akhir kab tak sharab ko napak manoge aap?
zaddo-zeher zindagi ka kuch ese rukh paltati hei,
mano jaise sau khoon bhi mauf !!

tere labon se maine sharab pi.
jab tune apne hothon se sharab pilayi,
to sharab khud ko kyun na-pak kehlaii ?
ek pakeejah thi jo khud napak kehlai.
ab yeh ek pak hei jo napak hur waqt kehlai.

kaun tumse kya chahta hei...
uss se mujhe kya matlab....
bas ek bar mere jam ka shurur banke dekho..
napak pak ho jata hei....
aur sau khoon bhi mauf hota hei..

ek mohini....

samandar mein nahati hui woh yuvati
jiske antarang vastr geele
chumte hue woh jodi
jinke ang ang mujh mein meele

tere badan ki woh kati kamar
jaise swayam uljhe mere leher
tere bakshoz, aur unka vritakar
jaise mein, aur meri upasthiti nirakar

tere samtal badan mein
jaise woh vrit agreem
jaise mujh mein
woh anek dweep rangeen

teri kati hei
ya prakriti ka roop
mere leher hein
jaise tere hee pratirup

charitra ki baat na kar mujhse
tum charitraheen samaj ho kis se ?

tere peeth se khiske
tere neetamb pe atke
jaise meelon ka safar hua khatam
mere kisi bandargah pe

tum mujh mein samao
aur mein tum mein
hum ek hokar bhi alag hein
aur alag hokar bhi ek hein

tumhare badan ki udgiran
khud ke liye hei
mera agni udgiran
prithvi ke sapaksh hei

kuch saal baad tum thandi
par mera udgiran, tab bhi sat-rangee

kya karun... samandar hun
samandar hun mein....
apne agosh mein tujhe pukaroon
mrityu bhi, pran bhi..
tumhare agosh ko khud tarsun
jo mere pran bhi... mrityu bhi...

Udaan

Udna mera kam hei, tabhi Udaan kehlata hun,
awara badal hun, jo be-mausam barasta hun.
Ek panchi udd rahi thi, jispe mera dil aya,
sath sath uske chalta hun, aur usse suraj ki tapti kirno se bachata hun.
Phir ek pahad ayaa, jahan gatti usne dheemi ki....................
Usne bola yahan mera basera hei,
meri bahon se nikalkar woh teji se apno ki taraf gayi.
Mein thehra ek awara badal, ab mein kya karta !
Mein na zamin pe utar sakta, naa asman ko chhod sakta.
Mein thehra raha uske intazar mein,
aur uske intazar mein ek sawan guzara.
tak te tak te uske ashiyan ko, pani ke asoon bahata raha.
aur woh zamin pe bethe sochti, ke yeh to baras raha.
ab mein bechara apne haal ka mara,
aur log sochein yeh to hei ek badal awara.
Sabse mujhe kya matlab, to maine bhi ek akhri nazar uske rah pe mara,
dur se dekhi suraj ki sunehri kirnon mein ek panchi meri taraf badhti...
Mein thehra ek badal awara...
Ab mein intazar ke alawa aur kya karta....
Mein ek badal awara.....

haqikat-e-khwab

Ek khwab se ek haqikat bana raha tha tujhe..
par tu hei ki, ek haqikat se ek khwab ban na chahti hei..
manzoor hume tere iradein hein..
manzoor hume tere iradein hein..
bas itna bata dena, ki meri haqikat-e-khwab kya hei..

Humari Haalat

Intazar humse hota nahin,
par woh hein ki yeh samajhte nahin.
Raunak unki yadon se aajati hei,
par unhe agah yeh koi karta nahin.
Kaise guzarte hein humare lamhe unke bin,
unhe khud ko bhi yeh ittla nahin.
Sason ki dor yahan kamzor pad rahi hei,
shayad unhe iska ehsas bhi nahin.
Khuda-parast hum jo UNHE khuda maante hein,
mere khuda ko iski aghaz bhi nahin.
Iltiza humari unke deedar ki hei,
par un tak pahunch ne ka rasta malum nahin.
Koi mere khuda ko awaaz to de do,
sukhe mere hothon ki pyas bujhti nahin.
Syahi ka ek katra bhi unka hume manzoor hei,
par kasid ka ab tak koi pata nahin..

nasamjhi

Rah-e-wafa ne humpe kya kya sitam na dhae,
gar pyar ka imtihan yeh hei.

Kabhi alfazon ki gair mouzudgi,
to kabhi sasen murjhaen.

Uspe unki na-samjhi,
aur dil humpe kasme chunwaye.

Ek tera hi to sahara hei,
to khuda kyun na muskurae..

maikashi

maikashi mein aadhi umr guzar gayi.
hausla hei, baki bhi guzar jaegi..
ta-umr gar maikashi mein hi guzarni hei..
toh maikashi ke naam pe ek aur jam hi sahi...

tu meri zindagi

zindagi ke sahi mayeene humne zindagi khokar sikhi.
ab zindagi se kya matlab, jab mayeena-e-zindagi tujhe khokar hi sikhan hei..

beintahaa pyar

beintahaa pyar ka yehi sila hota hei.. kabhi pyar nahin milta to kabhi beintaha ki manzil..

ek kafan ke liye..

belibaaz se ek kafan tak ka safar.
uske liye itni zaddozehar..
ya khuda, teri kainaat mein itni killat ??

khasiyat

kisi khas wajeh se woh humse juda hue..
aisa unka kehna hei......
kisi khas ke liye woh humse juda hue..
aisa humara maan na hei....
khasiyat ek wajeh ki ho ya sakshiyat ki,
par humara juda hona khas na ho paya, ghum sirf iss baat ki hei...

ek kanch ka tukda..

har tukda kanch ka chubh ta hei.
jab jaam ka geelas hath se chhut ta hei..
maikashi ek aisi khubsoorat balaa hei.
jo marne ke liye kaise jeete hein, woh sikhata hei..

Libaz dhona...

Raat kal nahaya. Kapde dhone ka socha. kapdon mein tere badan ki kuch khushbu thi. bheeni si. Socha na dhoun aur sanjot ke rakhlun.... phir tumse milne tak. Par mere badan se bhi kuch teri khushbu aarahi thi. Bheeni si. kuch nishan mere kapdon pe the toh kuch mere badan pe. Dono dhul jaenge.. waqt ke saath. par jo nishan meri andhruni ruh pe hein, unka kya? kaunsa neer isse dhoyega? Kaunse suraj ki roshni isse sukhayega? yeh nishan hein ya koi dagg? Raat ki chandni mein iss dag se ek bheeni si khushbu aati hei. din ki roshni mein yeh sukun deta hei. yeh dag tujhse lagge. tere badan ki har zarre zarre se wakif mein. Ek khubsoorat kitab ki har panne ko padhne ki tarah padh chuka hun mein. kaunse panne mein syahi ka dag laga tha aur kaunsa panna kora chhut gaya tha. kis panne ko palto to dusra panna apne ap palat ta hei. kaunsi panne pe mene apni chhap chhodi thi. aur kaunsa panna palat nahin paya tha.. par itna pata hei, yeh kitaab ki kahani hum dono ki thi. woh kitaab jab bhi khulegi, ek bheeni si khushbu ayegi. teri khushbu. Ab yeh sochta hun ki yeh ek daag hei ya nishan? Kashmakash hei ya sirf ek soch.....

bebassi

Maghroor hoke kya zina,
kabhi mazboor banke dekho..
Bekhudi se kya haasil hua kisko,
kabhi ikraar karke bhi dekho..